NO TO CELIBACY?!

NARRATOR: Read the Commisioning of the Twelve: Mark 6: 6b – 9
Ug sa ilang pagpamalik gikan sa apostolate…
NILO D.: Ok na unta kayo ‘tong didto ta sa baryo bah, bibo kayo, daghang tawo, sikat pa gyud kaayo ta sa atong paghalobilo sa mga tawo, dayon sadya kaayo ang Misa. Pero, pag-uli-ay na, mipuli na man ang kamingaw ug kahilom, asa na man sila? Nganong kita na lang man dayon ang nabilin? Ing-ani diay ning kinabuhi-a?! (misulod ang laing grupo)
Uy bai, kumusta inyong apostolate?
LINO: Ay ok kaayo! Timing kaayo nga naa puy mga nursing students sa among gi-exposure-an. Whew! Mga good kaayo bah, lami kaayo i-trabaho, pogi points bah, “Ah si Koya o, buotan kaayo!” Nia gani ko number ni Mitch o! Nah, layo na kaayo sila ug biya sa atoa bay, o yeah!
(pointing towards the other group) O, nganong guol man mo bai?
FRANK: Kinsa gud puy dili masakitan ani! Gikan mi gahatag ug pol. Ed. seminar, kapoy kaayo, tibuok adlaw, amo gyung gihatag among tanang talent, pero pagkahuman, wala man lay ni-congrats namo, naa lagi stipend pero gamay ra pud, gihagoan bya gyud namo ang pagpangandam sa modules bah, wala man lay midayeg! Maypa nang nagtrabaho sa gawas, gamayng kalampusan, allowance dayon, tarpaulin dayon. Hahay, kamingaw sa kinabuhi. Maypa nang mga minyo, naa pay mohilot sa atong abaga inig abot sa balay…
GARCO: Aha! Bitaw no! Puslan mang pare-pareha atong mga gipangbati, unsa kaha kun atong danihon si Hesus nga magminyo na lang ang mga pari! No to celibacy!
TANAN: No to celibacy!
(Miabot na si Hesus)
HESUS: O nia na man diay mo! Kumusta inyong mga lakaw mga igsuon? (tindog tanan, apir tanan kang Hesus)
ALVIN: Tan-awa ang gibuhat ni Kristo mga igsuon, modayon pa ba mo sa inyong plano? Dili na ba igo ni nga mohupay sa inyong mga kakapoy? Tan-awa unsa ka malipayon si Kristo nga mi-welcome ug midayeg kanato taliwala sa iya pung gibati nga kakapoy sa misyon!
GARCO: Ahh, lahi ra gyud bai! Lahi ra gyud ning naay babaye sa atong kinabuhi!
HESUS: O, unsa man nang inyong gilalisan?
GARCO: Ginoo, isip mga ulitawo, ga-uros-uros gyud ning among pagbati nga mahulipan among kalaay ug kamingaw! Busa Ginoo, kami nagahangyo, tuguti na nga maminyo ang mga pari. No to celibacy!
TANAN: No to celibacy!
MARWEN: Ginoo, nganong pugngan pa man gyud nimo ang pari nga makighilawas! Tan-awa si Pedro oh! Tua sa ilaha, nihapit kadyot sa iyang asawa! Gikapoy man to, pero sigurado ko nga nawala na gyud tong iyang kakapoy ba! Ka-lami ra man gyud unta Lord! No to celibacy!
TANAN: No to celibacy!
TOTO G.: Ginoo, kabalo ka unsa ka bililhon para sa usa ka laki ang adunay asawa ug anak. Nah, kinsa na lay mag-atiman namo kun matigulang na mi! No to celibacy!
NILO D.: Ginoo, wala ka ba makabantay, sige’g pangidhat si Marta nimo? Wala ka ba mibati ug kaibog bisan kinsa nila Marta, Maria o Magdalena? Mga gwapa kaayo sila Ginoo! Kwarta na naging bato pa! Kami gani, mosaka dayon ang lala sa among utok inig kakita namo ug mga hubag sa ketkai! No to celibacy!
TANAN: No to celibacy!
FRANK: Wala ba kamo makabantay mga igsuon? Bisan maot kaayo’g dagway ang pari, pero humot gihapon sa mga dalaga diba! Pa-anotong-anotong ra ning dagwaya ni, pero daghang orchids ang motapot ani bah! Sige na Lord! Ipaminyo na mi samtang pari na mi! No to celibacy!
TANAN: No to celibacy!
CLIFFORD: Ginoo, naay nagpa-counsel nako karon, nagproblema sa iyang bana. Ginoo, kun musogot ka nga magminyo ko, nah mahatag gyud nako ang tanan nga iyang gipangita sa usa ka bana! Alang sa kaluwasan sa mga biyuda! No to celibacy!
TANAN: No to celibacy!
MARWEN: Ginoo, wala ka ba masayod unsa kadaghan na ang mga kaso sa pedophilia ug sexual harassments sa mga kaparian didto sa America karon? Ginoo, di makaya’g pugong-pugong uy! Daghan na kaayong mga scandal! Maluoy ka sa mga pari Ginoo! No to celibacy!
TANAN: No to celibacy! Bitaw Ginoo! Sige na Lord! Maluoy ka!
HESUS: Mga igsuon…tala…kuyog ta…moadto ta ilang Marta, Maria ug Lazaro…ato silang bisita-on…mangisnak ta didto…
(mitagbo ang duha ka babaye, migakos kang Hesus, ug kalit mihilak…dayon adunay mibalita)
NILO L. Ginoo, patay na si Lazaro!
(miluhod si Hesus ug mihilak, nagpabilin ang duha ka baye nga nagtindog ug nanampong sa ilang mga nawong)
ALVIN: Mga igsuon, tan-awa ninyo si Hesus. Karon nasayod na kita nganong gidala kita niya dinhi. Sa natural ug gawasnon nga paagi, iyang gipakita unsa ka way sukod ang iyang pagmahal ngadto nilang Marta, Maria ug Lazaro…pagka-bulahan nila..pagka-bulahan sab nato. Wala siyay gipili, ma-babaye, ma-lalaki, ma-bata o tigulang – tanan iyang gimahal nga walay ni bisan gamayng halo nga malisya o kalaw-ay. Tinuod gayud, siya gyud ang pinaka-modelo sa usa ka tawo nga bisan nag-inusara, malipayon ug gawasnon gihapon nga mihigugma; maliapyon ug gawasnon gihapon nga mi-alagad…

(All gather together and sing the 1st verse and chorus of the song “Your Heart Today”)

YES TO CELIBACY!!!